තරංග විශාල සංඛ්‍යාවක ශීර්ෂ එක මත එක අධිස්ථාපනය වන අවස්ථාවකදී කම්පන තරංගයක් ඇති වේ. අති ධ්වනි වේග වලින් ගමන් කරන ගුවන් යානයකින් ඇති කරන මෙවැනි තරංග නිසා පොළොව මත සිටින්නෙකුට විශාල ශබ්ධයක් ඇසේ. ඒවාට 'සොනික් බූම්' (Sonic boom) ලෙස ව්‍යවහාර කෙරේ. ඇත්ත වශයෙන්ම ගුවන් යානයකින් සොනික් කම්පන දෙකක් (double boom) ඇති වේ. ඒ එහි ඉදිරි හා පිටුපස කොටස් වලින් වෙන වෙනම ඇති කරන තරංග මගිනි.
01) V<W
02) V=W
V-ප්රභවයේ වේගය
W-වාතයේ ධ්වනි තරංග වේගය
සාමාන්‍යයෙන් ඕනෑම ධ්වනි ප්‍රභවයක් සැලකූවිට V=W අවස්ථාවේදී ප්‍රභවයෙන් නිකුත් වන තරංග ප්රභවයේ පිහිටීමට වඩා ඉදිරියට ගමන් කල නොහැකිය.ඒවා එක මත එකක් ප්‍රභවය මත්තේම අධිස්ථාපනය වේ. මෙවැනි අවස්ථාවක ප්‍රභවය තරංග බාධකයකට මුහුණ පා ඇතැයි කියනු ලැ‍බේ.ප්රභවයේ වේගය මීට වඩා වැඩි කරීමට නම් මෙම තරංග බාධකය ජය ගත යුතුය. ගුවන් යානයක වේගය වාතයේ ධ්වනි වේගයට වඩා වැඩි කල යුතු නම් එම ගුවන් යානය තරංග බාධකය ජය ගත යුතුය.එනම් එක පිට එක ධ්වනි තරංග ගොනු වීමෙන් ඇති වන පීඩනයෙන් මිදී තරංග බාධකය පසු කිරීමට අති ධ්වනි වේග (Suppersonic speeds) ලබා ගත යුතු වේ.එම බාධකය පසු කල විට ඉහත 03) රූපයේ පෙන්වා ඇති පරිදි ධ්වනි තරංග සැකසුම ඇති වේ. එවිට V>W බැවින් ධ්වනි තරංග කිසි විටකත් ප්රභවයේ ඉදිරියට නොපැමිනේ. ඒවා සියල්ල පසු පසින් ගොනු වේ.
No comments:
Post a Comment